ಬೆಂಗಳೂರು: ಇನ್ಸ್ಟಾಗ್ರಾಮ್, ಫೇಸ್ಬುಕ್ ಹಾಗೂ ವಾಟ್ಸಾಪ್ನಲ್ಲಿ ಇದೀಗ 1980ರ ದಶಕದ ವಿಂಟೇಜ್ ಫೋಟೋ ಟ್ರೆಂಡ್ ಸದ್ದು ಮಾಡುತ್ತಿದೆ. ಎಐ ತಂತ್ರಜ್ಞಾನ ಬಳಸಿ ಸಾಮಾನ್ಯ ಫೋಟೋಗಳನ್ನು 80ರ ದಶಕದ ಸಿನಿಮಾ ಪೋಸ್ಟರ್, ರೆಟ್ರೋ ಲುಕ್, ಬೆಲ್ಬಾಟಮ್ ಪ್ಯಾಂಟ್ ಹಾಗೂ ಕ್ಲಾಸಿಕ್ ಬ್ಯಾಕ್ಗ್ರೌಂಡ್ನೊಂದಿಗೆ ಪರಿವರ್ತಿಸಿಕೊಳ್ಳುವುದು ಯುವಜನರಲ್ಲಿ ಭಾರಿ ಕ್ರೇಜ್ ಸೃಷ್ಟಿಸಿದೆ.
ಆದರೆ ಟ್ರೆಂಡ್ ಹಿಂದೆ ಅಪಾಯವೂ ಇದೆ ಎಂದು ಸೈಬರ್ ತಜ್ಞರು ಎಚ್ಚರಿಸಿದ್ದಾರೆ. ಅಪರಿಚಿತ ಅಥವಾ ಥರ್ಡ್ಪಾರ್ಟಿ ಎಐ ಆ್ಯಪ್ಗಳಿಗೆ ವೈಯಕ್ತಿಕ ಫೋಟೋಗಳನ್ನು ಅಪ್ಲೋಡ್ ಮಾಡುವುದರಿಂದ ಫೋಟೋ ಹಾಗೂ ವೈಯಕ್ತಿಕ ಡೇಟಾದ ಗೌಪ್ಯತೆಗೆ ಧಕ್ಕೆಯಾಗುವ ಸಾಧ್ಯತೆ ಇದೆ.
ನಿಮ್ಮ ಫೋಟೋ ಸೈಬರ್ ಕ್ರಿಮಿನಲ್ಗಳ ಕೈಗೆ ಸಿಗಬಹುದು!
ಸೈಬರ್ ತಜ್ಞೆ ಡಾ. ಶುಭಮಂಗಳ ಅವರು, ಎಐ ಫೋಟೋ ಟ್ರೆಂಡ್ನ ಆಸಕ್ತಿಯನ್ನು ಸೈಬರ್ ಅಪರಾಧಿಗಳು ದುರುಪಯೋಗಪಡಿಸಿಕೊಳ್ಳುವ ಸಾಧ್ಯತೆ ಇದೆ ಎಂದು ಎಚ್ಚರಿಸಿದ್ದಾರೆ.
ವಿಶೇಷವಾಗಿ ಯುವತಿಯರು ತಮ್ಮ ವೈಯಕ್ತಿಕ ಫೋಟೋಗಳನ್ನು ಅಪರಿಚಿತ ಎಐ ಆ್ಯಪ್ಗಳಿಗೆ ಅಪ್ಲೋಡ್ ಮಾಡುವಾಗ ಹೆಚ್ಚಿನ ಜಾಗ್ರತೆ ವಹಿಸಬೇಕು ಎಂದು ಸಲಹೆ ನೀಡಿದ್ದಾರೆ.
ಫೋಟೋ ದುರುಪಯೋಗದ ಭೀತಿ
ನೀವು ಅಪ್ಲೋಡ್ ಮಾಡುವ ಮೂಲ ಫೋಟೋಗಳನ್ನು ದುರುಪಯೋಗಪಡಿಸಿಕೊಂಡು—
🔴 ನಕಲಿ ಸೋಶಿಯಲ್ ಮೀಡಿಯಾ ಖಾತೆ ಸೃಷ್ಟಿಸುವುದು
🔴 ಫೋಟೋ ಮಾರ್ಫಿಂಗ್ ಮಾಡುವುದು
🔴 ಬ್ಲ್ಯಾಕ್ಮೇಲ್ಗೆ ಬಳಸುವುದು
🔴 ನಕಲಿ ಗುರುತು ಸೃಷ್ಟಿಸುವುದು
🔴 ಇತರೆ ಸೈಬರ್ ಅಪರಾಧಗಳಿಗೆ ಬಳಸಿಕೊಳ್ಳುವುದು
ಸೇರಿದಂತೆ ಹಲವು ರೀತಿಯ ದುರುಪಯೋಗದ ಸಾಧ್ಯತೆಗಳಿವೆ.
ಎಐ ಆ್ಯಪ್ ಬಳಸುವ ಮುನ್ನ ಎಚ್ಚರ!
ಯಾವುದೇ ಎಐ ಫೋಟೋ ಎಡಿಟಿಂಗ್ ಆ್ಯಪ್ ಬಳಸುವ ಮುನ್ನ ಅದರ Privacy Policy, Terms & Conditions ಮತ್ತು Photo/Data ಬಳಕೆಯ ನಿಯಮಗಳನ್ನು ಪರಿಶೀಲಿಸಿ. ಅಗತ್ಯವಿಲ್ಲದಿದ್ದರೆ ವೈಯಕ್ತಿಕ ಅಥವಾ ಸೂಕ್ಷ್ಮ ಫೋಟೋಗಳನ್ನು ಅಪ್ಲೋಡ್ ಮಾಡದಿರುವುದು ಉತ್ತಮ.
ಟ್ರೆಂಡ್ಗಾಗಿ ಫೋಟೋ ಬದಲಾಯಿಸಿಕೊಳ್ಳುವ ಮುನ್ನ, ನಿಮ್ಮ ಫೋಟೋ ಯಾರ ಕೈ ಸೇರುತ್ತಿದೆ ಎಂಬುದನ್ನು ಒಮ್ಮೆ ಯೋಚಿಸಿ.
ಸೈಬರ್ ಸುರಕ್ಷತೆ ನಮ್ಮೆಲ್ಲರ ಜವಾಬ್ದಾರಿ.
ARAKSHAKARA TIMES MEDIA
🌐 www.arakshakaratimesmedia.com
80s ಫೋಟೋ ಟ್ರೆಂಡ್ಗೆ ಫಿದಾ ಆಗಿದ್ದೀರಾ? ನಿಮ್ಮ ಫೋಟೋ ಸೈಬರ್ ಕಿರಾತಕರ ಕೈಗೆ ಸಿಗಬಹುದು!
